У апошнія дні 2012 года зноў адкрыўся піўны бар «Ветразь», што размяшчаецца ў падвальным памяшканні Гандлёвага цэнтра. Першыя яго наведвальнікі ў прамым сэнсе слова не пазналі аб’ект грамадскага харчавання.



І гэта не дзіўна, бо калі адчыняеш дзверы «Ветразя», трапляеш у даволі прасторнае памяшканне, з сучасным гандлёвым і музычным абсталяваннем, з вялікім ЖК-тэлевізарам, па якім можна паглядзець матч любімай спартыўнай каманды, прадуманым светавым афармленнем і іншымі атрыбутамі падобных аб’ектаў. Тут жа гардэроб і туалетны пакой.

На правядзенне рэканструкцыі і набыццё новага абсталявання райпа патраціла каля 90 мільёнаў рублёў уласных сродкаў. І ўжо цяпер з упэўненасцю  можна сказаць, што недарэмна, бо тавараабарот бара павялічыўся ў чатыры разы. –  Да нас прыходзяць людзі рознага ўзросту: ад моладзі да сталых, – расказвае бармэн Святлана  Лысенка. –

Для іх мы прапануем у асартыменце піва, лікёра-гарэлачныя вырабы, напіткі, садавіну, цукеркі,  чабурэкі, шурму, піцу і іншыя стравы. У хуткім часе пачнём прадаваць марожанае і піва на разліў. Акрамя таго, у бары «Ветразь» усё больш з’яўляецца прыхільнікаў, якія адзначаюць тут дні нараджэння, юбілеі і нават вяселлі. А чаму і не, калі таму спрыяюць прыемная абстаноўка і новая музычная апаратура.

Застаецца дадаць, што бар «Ветразь» у аўторак, сераду, чацвер і нядзелю працуе з 6.00 да 8.00 і з 20.00 да 24.00, у пятніцу і суботу – да 2 гадзін ночы. Выхадны– панядзелак.