За шматгадовую добрасумленную працу, высокія паказчыкі  ў  развіцці сельскагаспадарчай вытворчасці Расоншчыны Валянціна Іванаўна  Лукашэнка (на здымку) напярэдадні Дня жанчын   атрымала  з рук старшыні Віцебскага аблвыканкама А. М. Косінца  Ганаровую грамату абласнога выканаўчага камітэта  і памятны падарунак.  
Да таго, як стаць паспяховым кіраўніком  свінагадоўчага комплексу сельгаспрадпрыемства  «Дворышча-Рас», жанчына папрацавала   тэхнікам па  племянной справе, брыгадзірам паляводчай брыгады,  рабочай па штучнаму асемяненню свіней. І толькі  ў 2005 годзе ўзначаліла свінакомплекс, на якім амаль адразу сталі бачны зрухі ў лепшы бок.  Справа ў тым, што ўласнымі энергічнасцю, працалюбствам і мэтанакіраванасцю  Валянціна Іванаўна  змагла «заразіць»  людзей  плённай працай, таму і вынікі не  прымусілі чакаць: усяго за некалькі гадоў пагалоўе вырасла  з 885 да  3500, паказчыкі   пайшлі ўверх.
 Толькі  летась  атрымана валавой прадукцыі ў супастаўных  цэнах на 160 мільёнаў рублёў, альбо 135 працэнтаў да ўзроўню  2008 года. Сярэднясутачны прывагі на дарошчванні і адкорме  склалі  460 грамаў, што на 26 грамаў больш, чым  у 2008 годзе.  Рэалізавана свініны 364 тоны, у тым ліку ... тоны дзяржаве.
– За пяць гадоў працы мы ўпарта дасягалі  вынікаў, якія маем сёння,– гаворыць  Валянціна Іванаўна.  –  Натуральна, не без дапамогі кіраўніка гаспадаркі М. А. Муравейкі.  Разам  з  дырэктарам і спецыялістамі ўводзілі  дадатковыя памяшканні для жывёлы,  займаліся селекцыяй, закупалі свінак, тым самым павялічваючы  матачнае пагалоўе. Шмат працавалі і па захаванню маладняку, якога гінула раней да 50 працэнтаў.  А сёння мы маем  адладжаную і адпрацаваную сістэму.   
 Тое, што парасяткі  дагледжаны і сытыя,  я ўпэўнілася сама. У свінакомплексе  чыста і цёпла.  Апетытны абед  суправаджаецца  задаволеным   хруканнем і цмоканнем.  А  Валянціна  Іванаўна  адзначае: « Адзін з  элементаў паспяховага і прабытковага вырошчвання свіней   – якаснае харчаванне. Самым  маленькім  мы набываем корм, астатнім –  гатуем з уласнага  збожжа. Вось  нараджаецца,  да прыкладу,  кілаграмовы парася, а ў  60 дзён  яно ўжо важыць 18–19 кілаграмаў.  Паралельна  з селекцыйным асемяненнем займаемся  штучным. Дзякуючы гэтаму, нарадзіліся  першыя парасяткі новых замежных мясных парод. А як яны сябе пакажуць пабачым  у хуткасці.
Хай вашы планы заўсёды рэалізуюцца, паважаная Валянціна Іванаўна! І з узнагародай