Кульмінацыяй «Дажынак» стала ўрачыстае ўшаноўванне герояў жніва Віцебшчыны 2010 года.
На цэнтральную сцэну свята, каб павіншаваць лепшых з лепшых, выйшаў старшыня Віцебскага аблвыканкама Аляксандр Мікалаевіч Косінец.
Ён павітаў сабраўшыхся наступнымі словамі: “Паважаныя госці, дарагія сябры! Сёння мы сабраліся, каб ушанаваць яго вялікасць хлебароба, камбайнера, механітазара, супрацоўнікаў міліцыі, МНС, студэнцтва, вучняў старэйшых класаў, пенсіянераў, – усіх, хто ў 2010 годзе ўнёс і значны ўклад у каравай Прыдзвіння! Прадмовай усяму з’явілася праграма адраджэння і развіцця вёскі, ініцыятарам і непасрэдным кіраўніком якой з’яўляецца Прэзідэнт Рэспублікі Беларусь Аляксандр Рыгоравіч Лукашэнка. Дзякуючы гэтай праграме, мы збераглі вёску, стварылі неабходны патэнцыял для далейшага развіцця аграпрамысловага комлексу. 9,3 трыліьёна рублёў укладзена ў адраджэнне сяла Віцебшчыны: з 2005 па 2010 гады пабудавана 192 аграгарадкі, мадэрнізаваны, рэканструяваны 191 малочнатаварная ферма, 19 свінагадоўчых комплексаў, 13 комплексаў па адкорму буйной рагатай жывёлы, гаспадаркі вобласці атрымалі 10 тысяч адзінак новай сельскагаспадарчай тэхнікі, створаны неабходныя ўмовы для камфорту сялян, у тым ліку ўзведзены Дамы культуры, спартыўныя пляцоўкі, камбінаты прымысловых тавараў, урачэбныя амбулаторыі. За 1,5 года на Віцебшчыне мы ўклалі каля 300 мільярдаў рублёў у мадэрнізацыю мясамалочнай індустрыі.
Сёння мясакамбінаты і малаказаводы адказваюць еўрапейскім стандартам, што дае магчымасць забяспечыць канкурэнтназдольнасць канчатковай прадукцыі на любым рынку. Мы пашырылі геаграфію рэалізацыі прадукцыі з 11 дзяржаў да 140.
Цяжка сёлета даўся ўраджай: восенню 2009 года – значныя ападкі, з 1 ліпеня 2010 года – спякота. Калі б не гэта, мелі б рэкордны збор у 1,5 мільёна тон збожжа. А так гаспадаркі вобласці сабралі каля 930 тон, выканалі дзяржаўны заказ. А нашы льнаводы ўпершыню за ўсю гісторыю атрымалі самы высокі ўраджай – 8,5 цэнтнера льновалакна з 1 гектара. Не падвялі і нарыхтоўшчыкі кармоў – упершыню мы не завозім кармы з іншых абласцей, бо маем 24 цэнтнеры кармавых адзінак на ўмоўную галаву.
У верасні 2010 года на сесіі абласнога Савета дэпутатаў сумесна з аблвыканкамам зацверджана стратэгія развіцця аграпрамысловага комплексу на 2011-2015 гады, распрацавана праграма “Вітагра”, якая прадугледжвае падвоіць аб’ёмы вытворчасці сельскагаспадарчай прадукцыі. У выніку яе рэалізацыі ў 2015 годзе аграпрамысловы комплекс будзе жыць без датацый і мець рэнтабельнасць 5,7 працэнта. Палова гэтай сумы пойдзе на ўнутраны рынак, а другая палова будзе экспартавацца. Паважаныя сябры, мы ўжо падышлі да рэалізацыі гэтай праграмы! Вялікі дзякуй за той поспех, які дасягнуты. На 1 кастрычніка пасеяна 250 тысяч гектраў азімых, за 1,5 года паднята 185 тысяч гектараў зямлі, якая раней не выкарыстоўвалася. І сёння Віцебшчына мае 500 тысяч гектараў пад збожжавыя, 100 тысяч гектараў – пад кукурузу,100 тысяч гектараў рапсу, 20 тысяч ільну, 10 тысяч гектараў бульбы. Такім чынам, мы ў поўнай меры маем харчовую бяспеку, эфектыўную работу аграпрамысловага комплексу. Я вельмі ўдзячны прамысловым прадпрыемствам, інжынерам, вучоным за стварэнне больш 30 найменняў новай сельскагаспадарчай тэхнікі.
Паважаныя сябры, мы невыпадкова праводзім у Расонах абласныя «Дажынкі». Іх мэта двайная: урачыстае ўшаноўванне лепшых хлебаробаў і нам трэба падняць Расоны! Апошнім часам Расонскі раён атрымаў больш за 20 мільярдаў рублёў, і гэта толькі пачатак! Цяпер неабходна зрабіць усе, каб з 11 тысяч насельніцтва ў раёне яго стала ў 3 разы больш.
Трэба павялічваць і колькасць пашы.
Наша дзяржава робіць усё, каб людзям жылося добра! Хлебу і тым, хто яго вырошчвае, вялікі дзякуй і нізкі паклон. Здароўя вам, хлебаробы, шчасця і дабра!”
Пасля выступленя А.М. Косінца лепшыя земляробы Віцебшчыны атрымалі Ганаровыя граматы і каштоўныя падарункі ў выглядзе сучасных тэлевізараў з вадкакрысталічнымі экранамі. Па працы і ўзнагарода!
