Сёння  структурнае падраздзяленне пад кіраўніцтвам Іны  Шакола “Белпошта” – гэта:
– 55 паштовых скрынак для збору пісьмовай карэспандэнцыі;
–78 работнікаў;
–больш за 100 відаў паслуг у кожным аддзяленні;
–14 структурных падраздзяленняў: 12 сельскіх, адно гарадское і пункт паштовай сувязі.



Дэвіз расонскіх паштавікоў: “Хуткасць, надзейнасць, даступнасць”. Па словах Іны Мікалаеўны, асноўнай мэтай прадпрыемства з’яўляецца забеспячэнне прыбыткавай работы , павышэнне дабрабыту работнікаў на аснове аказання дасціпных, канкурэнтназдольных паслуг, якія адпавядаюць патрабаванням спажыўцоў. Бо сучасная пошта –  не толькі лісты, пасылкі, газеты і часопісы.

 Гэта, у першую чаргу, сур’ёзная фінансавая сістэма, якая прадастаўляе паслугі па прыёме ўсіх відаў плацяжоў.


Аб’екты аснашчаны счытчыкамі банкаўскіх пластыкавых картак, і РВПС аказвае ўсе паслугі іх трымальнікам. Вытворчыя працэсы з дапамогай камп’ютараў цалкам аўтаматызаваныя. Аднак галоўным  багаццем вузла сувязі з’яўляюцца людзі.

На ўрачыстым мерапрыемстве ў гонар юбілею і прафесійнага свята ў абласным цэнтры Ганаровай граматай Віцебскага філіяла ўзнагародзілі расонскага паштальёна Алену Уладзіміраўну Фёдараву (на здымку). Жанчына 26 год працуе ў сістэме паштовай сувязі і недарэмна стала пераможцам у намінацыі “Лепшы раённы паштальён”.

Паштальён абслугоўвае больш за 400 кліентаў у гарадскім пасёлку, штомесяц выконвае планы па падпісцы.

Акрамя дастаўкі пошты, у даручэнні энергічнага, добразычлівага, надзейнага  паштальёна шмат няпрофільных паслуг – распаўсюджванне тавараў паўсядзённага попыту, плацяжы, страхаванне, продаж знакаў паштовай аплаты і іншае. Людзі задаволены сваёй “участковай”:  кажуць ёй шмат добрых слоў асабіста  і пішуць падзякі ў кнігу прапаноў. 

З прафесійным святам вас, цяперашнія і былыя работнікі раённага вузла паштовай сувязі! Моцнага здароўя, доўгага жыцця, удзячных кліентаў і дабрабыту!