У канцы верасня адбыліся раённыя спаборніцтвы па лёгкаатлетычным 4-бор’і сярод малодшых школьнікаў.
Сярод хлопчыкаў 2000 года нараджэння першае і другое месцы занялі 7-класнікі Расонскай школы Аляксей Грачухін і Эдуард Яфрэменка адпаведна. Трэцім сярод юных лёгкаатлетаў стаў 7-класнік Дварышчанскай школы Мікіта Малашэнка.
У дзяўчынак ва ўзросце 11-12 гадоў лепшымі сталі наступныя спартсменкі. 1-е месца заняла Алена Бурак (7 клас, Сяляўшчынская школа), 2 і 3-е – 6-класніцы Расонскай школы Ганна Шаўчанка і Юлія Мішчанка.
У агульнакамандным заліку 1-е месца заваявала каманда Расонскай школы, 2-е – каманда Краснапольскай школы і 3-е – каманда Клясціцкай школы.

Праз некалькі дзён пераможцы раённых спаборніцтваў па лёгкай атлетыцы прынялі ўдзел у абласным турніры па атлетычным 4-бор’і ў Віцебску.
Каб памерацца сіламі са сваімі аднагодкамі, у  Віцебск адправіліся хлопчыкі і дзяўчынкі, якія занялі на раённых спаборніцтвах 1 і 2 месцы. Гэта  7-класнікі Расонскай школы Аляксей Грачухін і Эдуард Яфрэменка, а таксама  7-класніца Сяляўшчынскай школы Алена Бурак  і 6-класніца Расонскай школы Ганна Шаўчанка.
У выніку найбольш паспяхова выступіў Аляксей Грачухін, які ў вобласці заняў 4-е месца сярод хлопчыкаў ва ўзросте 11-12 гадоў.

У верасні ў райцэнтры праводзіўся раённы крос сярод вучняў школ раёна ва ўзросце ад 11 да 17 гадоў.
Юнакі старэйшага ўзросту  (16-17 гадоў) праходзілі дыстанцыю ў 3 кіламетры.  Лепшыя вынікі сярод старэйшых удзельнікаў паказалі вучні Расонскай школы–10-класнік Сяргей Цыганкоў, 11-класнікі Ягор Мясаедаў і Ілья Драгун занялі 1, 2 і 3 месцы ў турнірнай табліцы адпаведна.
Юнакі ва ўзросце 13-14 гадоў прайшлі дыстанцыю ў  2  кіламетры з  наступнымі вынікамі: 1-е месца заняў вучань 8 класа Расонскай школы Андрэй Васільеў, 2-е – вучань 9 класа Клясціцкай школы Алег Габрусёнак і 3-м прыйшоў да фінішу  9-класнік Краснапольскай школы Эдуард Вабішчэвіч.
Сярод малодшых юнакоў ва ўзросце 11-12 гадоў дыстацыю ў 1,5 кіламетра пераадолелі першымі- 7 класнікі Аляксей Грачухін (Расонская школа), Мікіта Малашэнка (Дварышчанская школа) і Максім Сцяпанаў (Краснапольская школа), якія занялі 1, 2 і 3 месцы адпаведна.
Дзяўчынкі прымалі ўдзел у забегу ў сярэдняй і малодшай узроставай групе, але пераадольвалі аднолькавую дыстанцыю – 1 кіламетр. Сярод дзяўчынак ва ўзросце ад 13-14 гадоў фінішную прамую лепей за іншых прайшлі  9-класніцы Святлана Кравец (1-е месца, Заборская школа), Алена Дзеваковіч (2-е месца, Клясціцкая школа) і Яўгенія Целяжэнка (3-е месца, Расонская школа). Самыя паспяховыя бягунні малодшай узроставай катэгорыі (узрост 11-12 гадоў) фінішыравалі ў наступным парадку: 1-е месца – Таццяна Максіменка (Расонская школа), 2-е месца – Юрасьева Ганна (Краснапольская школа) і 3-е месца – Алена Бурак (Сяляўшчынская школа).
У агульнакамандным заліку каманды школ раёна занялі наступныя пазіцыі: Расонская школа – 1-е месца, Краснапольская школа – 2-е месца і Заборская школа – 3-е месца.
Віншуем  удзельнікаў і пераможцаў ўсіх спаборніцтваў і жадаем ім і надалей заставацца ў выдатнай спартыўнай форме і імкнуцца да новых спартыўных дасягненняў!

У пачатку кастрычніка ў Віцебск на чэмпіянат і першынства па кросе сярод каманд гарадоў і раёнаў усёй вобласці патрапіла і каманда Расонскага раёна, у склад якой уваходзілі лепшыя бегуны раёна. У асноўным гэта былі навучэнцы Расонскай ДЮСШ.
Увогуле нашы спартсмены занялі 3-е агульнакаманднае месца. Свой укладанне у перамогу ўнеслі сённяшнія і былыя вучні Расонскай школы. На дыстанцыі ў 3 кіламетры паказали сябе бегуны і бягунні – Ягор Мясаедаў, Ілья Драгун, Яўген Мітрафанаў, Кацярына Драгун,Сяргей Цыганкоў, Дэйвід Штэйнберг, Яўген Печкуроў. Дыстанцыю ў 1 кіламетр прабегла Яўгенія Целяжэнка, а крос на 5 кіламетраў – Дзяніс Ермакоў, Аляксей Блахін, Аляксандр Блахін і Уладзімір Бандэрэнка.
У выніку да ўдзелу ў Рэспубліканскім кросе была сфармілавала каманда з пераможцаў абласнога кросу. Сярод іх  Уладзімір Бандарэнка  (1 месца ў бегу на 5 км), Дэйвід Штэйнберг (3-е месца ў бегу на 3 км), Кацярына Драгун (3-е месца ў бегу на 3 км).

У пачатку кастычніка ў Віцебску па ініцыятыве абласнога Цэнтра фізічнага выхавання і спорту навучэнцаў горада Віцебска проводзіўся лёгкаатлетычны крос сярод юнакоў і дзяўчат ва ўзросце 13-14 гадоў. У спаборніцве паўдзельнічала і каманда  нашага раёна, якую ўзначальваў трэнер ДЮСШ Сяргей Лісаў.
Дзяўчынкам патрэбна было пераадолець дыстанцыю ў 1 кіламетр, а хлопчыкам – у 2 кіламетры. У выніку сярод 27 каманд з усіх раёнаў і гарадоў вобласці расонскія спартсмены ў аульнакамандным заліку занялі 15 месца ў турнірнай табліцы. “Кавалі” добры спартыўны вынік сярод хлопцаў  8-класнік і 7-класнік Расонскай школы Андрэй Васільеў і Дзмітрый Рыбакоў адпаведна і 9-класнік Клясціцкай школы Алег Габрусёнак. З дзяўчынак ў абласным спаборніцтве паўдзельнічалі 9-класніцы Святлана Кравец (Заборская школа), Алена Дзеваковіч (Клясціцкая школа) і Яўгенія Целяжэнка (Расонская школа).