У пачатку чэрвеня ў Віцебску прайшло першынство вобласці па лёгкай атлетыцы. Для каманды нашага раёна яно было выніковым. Бронза дасталася расонцам невыпадкова.

Будучы дзевяцікласнік Расонскай школы Аляксей Грачухін ў бегу на 600 і 1000 метраў заваяваў першае і другое месцы адпаведна. Ён будзе прадстаўляць каманду вобласці на рэспубліканскіх спаборніцтвах па лёгкай атлетыцы, што пройдуць у Оршы ў канцы чэрвеня. Трэнер каманды Аляксандр Папповіч паклапаціўся, каб каманда выступіла дастойна.

Штодзённыя трэніроўкі і зладжанасць каманды – менавіта і ёсць паказальны вынік расонскіх лёгкаатлетаў. Другое месца ў капілку каманды  ўнёс Эдуард Яфрэменка, які атрымаў бронзу ў лёгкаатлетычным шасцібор’і. У склад каманды ўваходзілі Юлія Мішчанка, якая паказала добрыя вынікі ў скачках у вышыню і кіданні кап’я, Анастасія Хіценка ў бегу на адну і дзве тысячы метраў, Вікторыя Качаргіна ў спартыўнай хадзьбе на два  і тры  кіламетры, Вольга Пецярэнка ў бегу на трыста і шэсцьсот метраў. У пачатку чэрвеня золата ў наш раён прывёз Андрэй Васільеў, які прымаў удзел у абласных спабор-ніцтвах –Алімпійскія Дні Молодзі, – што праходзілі ў Віцесбку.

Жадаем маладым спартсменам Расоншчыны новых поспехаў і залатытых медалёў, а умовы, створаныя ў нашым раёне, для гэтага самыя спрыяльныя.