Тыдзень таму  «Кулінарыя» адчыніла свае дзверы пасля  капітальнага рамонту.  
Крама «пераехала» ў суседняе памяшканне, дзе  была  зроблена  рэканструкцыя: новая  столь і  плітка на  падлозе радуюць  вока,  жалюзі з густам  падабраны  пад колер свежапафарбаваных сцен,   заменены  дзверы і  вокны, а для  прадаўцоў  зроблены асобны  бытавы  пакой. Акрамя  таго,  абноўлена  гандлёвае  і тэхналагічнае  абсталяванне, халадзільныя вітрыны для  мяса, паўфабрыкатаў, салатаў, кандытарскіх вырабаў. Устаноўлены рэгал з малочнай прадукцыяй  і садавінай  для самаабслугоўвання пакупнікоў, з’явілася  новая  халадзільная  шафа  для  напояў. На рэканструкцыю і новае абсталяванне  было па-трачана каля 43 мільёнаў рублёў.
Калі заходзіш  у краму, складваецца ўражанне, што тут  рыхтаваліся  да  святочнага прыёму. Ва  ўтульнай  гандлёвай  зале ў радок стаяць бліскучыя   вітрыны, за шклом якіх  годны  выбар  як мясных і рыбных, так  і кандытарскіх вырабаў. Як расказала  намеснік  старшыні  праўленя  райспажыўтаварыства Святлана Бельская,  нават за некалькі дзен працы пасля  адкрыцця  крамы тавараабарот  узрос у паўтара  раза.  І гэта  зразумела, бо ў новай  «Кулінарыі» пашырыўся і асартымент.
Мясныя паўфабрыкаты, якіх, дарэчы, багата,  прыгатаваны   не з замарожанага, а  ахалоджанага  мяса. Гатуецца ўсё побач у мясным   цаху,  а таксама  ў  рэстаране.Так што няма  неабходнасці  рабіць  запасы прадуктаў, бо вырабы заўсёды свежыя і ёсць у наяўнасці.  Тое ж датычыцца рыбы, салатаў, пельменяў.
– Хаця  тэрмін рэалізацыі  салатаў невялікі, расказвае Святлана Арсеньеўна, –  людзі з задавальненнем  бяруць іх.  А  памятаецца,   пачыналі  з малага,  баючыся, што такая прадукцыя не  пойдзе. Цяпер  усе інакш. Салаты  разыходзяцца  хутка, пры тым, што іх  набываюць  па крыху:100-200 грамаў. Сакрэт, напэўна,  у тым, што кухары  імкнуцца гатаваць са свежых прадуктаў, без дабавак.  Усяго  ў асартыменце  каля 9 найменняў салатаў.
Усе салаты  прыгатаваны,  але не запраўлены. У асобныя  кантэйнеры  можна ўзяць  нарэзаныя інгрыдыенты,  а  дома  змяшаць і заправіць.
 Асабліва многа  наведвальнікаў  у «Кулінарыі» ў  абедзенны  час і  пасля  заканчэння працоўнага дня.  Думаю, што такая  крама і  добрую гаспадыню можа  навучыць  гатаваць.  Навошта  пасля работы вечар  стаяць каля  пліты,  калі  ўсё  можна  набыць. Атрымаецца  смачна  і, самае галоўнае, хутка. Тым  больш што выбар  разнастайны: катлеты  з птушкі,  «папараць-кветка»,  «па -кіеўску»,  фаршы,  мяса, гуляш, пельмені, галубцы. А яшчэ булачныя  вырабы, свежы хлеб, малочныя  прадукты.
Есць  у «Кулінарыі» і  стол  заказаў, дзе  загадзя  можна  зрабіць  заяўку на прыгатаванне  той  ці іншай  стравы.
Таму прыходзьце за пакупкамі і смачна есці!.