4 чэрвеня раённая газета адзначае  свой 85-гадовы юбілей. Многа гэта ці не? Па чалавечых мерках – узрост салiдны, для газеты – час росквіту, сталасці і мудрасці. 
 Не адно пакаленне журналістаў і чытачоў змянілася за 85 гадоў.  Большая палова жыцця выдання прыйшлася на дваццатае стагоддзе –  багатае на падзеі і  змены ў краiне.  Усе яны адлюстраваны ў газеце, якая  ўдзельнічала ў фарміраванні савецкай улады і будаўніцтве сацыялізму, камунізму.

Не спыніла сваёй дзейнасці «раёнка» і тады, калі пачалася вайна. Наадварот, яна вяшчала з перадавой. Пісала, у першую чаргу, пра  становішча на ​​фронце, распавядала  пра людзей, якія  не шкадавалі намаганняў, каб перамагчы фашызм. 
«Раёнка» праводзiла расонцаў  на фронт і сустракала пераможцаў. Франтавы нумар 1943 года і сёння захоўваецца ў музеі баявой садружнасці. 
У ваенны час рэдакцыю ўзначальвалі галоўныя рэдактары Курлевіч, Бельскі.

Змяняліся час, людзі, раён. Разам з краінай газета пераходзiла ў эпоху ўзлётаў і падзенняў, калі адбылiся змены ў сацыяльнай сістэме і крах ідэалаў і ілюзій. Калі паглядзець на пажоўклыя ад часу старыя нумары, можна ўбачыць, як яны ганьбілі на сваіх старонках  прыхільнікаў рэлігіі. Сёння мы з гонарам і любоўю распавядаем пра аднаўленне  хрысціянскіх цэркваў і  адраджэнне праваслаўя.
Першы нумар «раёнкі» быў  апублікаваны 4 чэрвеня 1932 года пад назвай «Калектывіст Расоншчыны». На жаль, ён не захаваўся ні ў адным з архіваў. 
Змянялася і перыядычнасць выдання.  Газета выходзіла і тры, і два разы на тыдзень. Сёння толькі  адзін раз, але ў іншым фармаце – 12 старонак. 
За восем з паловай дзесяцігоддзяў  у газеце змяніўся не адзін рэдактар.  Кожны з іх імкнууся захаваць і  памножыць ужо створаныя  традыцыі, зрабіць публікацыі цікавымі настолькі, каб  яны  сталі  самымі любімымі і папулярнымі сярод расонцау. У 60 -х «раёнкай» кіраваў Уладзімір Сімуроў, у 70 -х Генадзь Шэршнеў. 

За гэты час газета мяняла назвы: «Сацыялістычная праца», «Камуністычны шлях», «Голас Расоншчыны».
З 1973 да 2005 года  рэдактарам  быў  таленавіты і мудры лідэр Люцыян Галаўня. Ен пакінуў добры след у памяці тых, каму давялося працаваць з ім. 

Таленавітыя, адданыя сваёй справе людзі стваралі газету. На жаль,  многіх ужо няма ў жывых – Рыгор Прудоўскі, Генадзь Шэршнеў, Віктар Буракоў... З тымі, хто і сёння ў страі, мы падтрымліваем цесную сувязь. Гэта Аліна  Прудоўская, Мікалай Рабіза, Валянціна Скоп, Ніна і Аляксей Герасімавы, Ганна і  Яўген Падрэзы, Валянціна Руба... Пайшоўшы  на заслужаны адпачынак, яны  яшчэ ў думках  з рэдакцыяй, па-ранейшаму хвалююцца за сваю родную газету, уважліва перачытваюць яе, расказваюць, на што  звярнуць увагу, якія ёсць  слабыя і моцныя бакі. 
З  2005 года на працягу 7 гадоў рэдакцыю газеты ўзначальвала  Маргарыта  Аляксеева, якая працуе і зараз.

Сённяшні калектыў – гэта творчыя, таленавітыя людзі: Алёна Барадулькіна, Таццяна Лапаціна, Ірына Гарэлікава, аператар электроннага набору і вёрсткі Алена Яршова, карэктар Ганна Матукоўская, галоўны бухгалтар Таццяна Ганчарова, вадзіцель Віктар Бадуноў. Разам мы імкнёмся  не расчараваць чытача, зацікавіць. Выпуск газеты – працаёмкі і напружаны працэс. Што б ні адбылося вакол, незалежна ад таго, якія «буры бушавалі» ўнутры або па-за рэдакцыйнымі сценамі, газета павінна выйсці своечасова.  Яна заўсёды знаходзіцца ў цэнтры падзей, гэта як сэрца раёна, выданне  жыве, пульсуе, радуецца, хварэе, суперажывае. 
У калектыва рэдакцыі шмат цікавых ідэй і задумак. Спадзяюся, мы зможам  іх рэалізаваць. Бо наперадзе ў газеты доўгі шлях і новыя юбілеі. Галоўнае, каб яна заўсёды заставалася запатрабаванай  жыхарамі раёна. Бо газета жыве, пакуль яна патрэбна людзям.