Сельгаскааператыў  «Клясціцы»   –  адзін з перадавых  у раёне вытворцаў  жывёлагадоўчай прадукцыі.

Так, за 11 месяцаў  2010 года ў гаспадарцы атрымана 15 тысяч 556 кілаграмаў малака, што  на 14,8 працэнта  больш мінулагодняга.

Прадукцыйнасць кожнай буронкі таксама павялічылася на 291 кілаграм і склала 3 тысячы 472 кілаграмы малака. Падобнаму росту  садзейнічала   не толькі   павелічэнне  пагалоўя   буйной  рагатай  жывёлы  (сёлета яно ўзрасло з 460 да 490), але  і рэканструкцыя, мадэрнізацыя цэнтральнай малочнатаварнай фермы. 

– Адзін  малакаблок  на  комплексе быў  устаноўлены  ў 2006 годзе падчас  будаўніцтва аграгарадка, –  адзначае заатэхнік Ева Машарская. –  А для таго, каб запусціць малакаправод цалкам, не хапала другога халадзільніка. Сёлета ў пачатку снежня абсталяванне  набылі  і распачалі  яго ўстаноўку.  Справа засталася за малым – дапрацаваць  дробязі. Думаю, у новым годзе мы назаўсёды адмовімся ад бідонаў і ручной працы, што, у сваю чаргу, стане закладам  росту вытворчасці і атрымання малака гатунку «Экстра».

А цяпер  на ферме ў самым разгары зімовыя  ацёлы.Таму  штодня  тут надойваюць 3 тысячы  730  кілаграмаў малака, прытым толькі вышэйшага гатунку і з высокай тлустасцю  3,9 працэнта. Прыклад  у  рабоце паказваюць вопытныя аператары машыннага даення  Людміла  Пакатава  і Надзея Кудзінава ( На здымку) , якія дасягнулі мяжы адпаведна ў 4 055  і 3 928 кілаграмаў на адну  карову. Прырост відавочны, бо да мінулагодняга ён складае 55 і 1399 кілаграмаў. 

На  дарошчванні  цялят (пасля 21 дня  жыцця)  паспяхова працуе Наталья  Мелдэрс ( на здымку).  Яна  пільна  сочыць  за  станам здароўя і патрэбамі сваіх падапечных, каб яны былі не  толькі  сытымі, але  і знаходзіліся ў  спрыяльных  умовах. Штодзённыя прывагі па яе групе ў параўнанні з 11 месяцамі 2009 года павялічыліся на 100 грамаў і склалі 439 грамаў.

Дарэчы,  цялят   на  ферме  таксама  стала на  43  галавы  больш:  калі  летасьналічвалася  468, сёлета– 511.

 Яшчэ адным  з фактараў паспяховай зімоўкі жывёлы заатэхнік лічыць дастатковы запас  кармоў, якіх  у 2010 годзе назапашана 28,5 цэнтнера на ўмоўную галаву буйной рагатай жывёлы. Таму праблем з “ежай” на ферме няма. Кожная дойная карова атрымлівае
штодзённы  збалансаваны рацыён з 40  кілаграмаў сенажу, 1,5 – сена,2 – канцэнтратаў.

Па ўсім бачна, жывёлаводы фермы не збіраюцца перадаваць эстафету першынства, якую яны ўпэўнена ўтрымліваюць у  раёне напрацягу  года. І хаця пакуль не абыходзіцца без праблем рознага кшталту, прадукцыйнасць іх падапечных працягвае ўпэўнена расці. Кожная буронка дае ў сярэднім 7, 6 літра малака, што на 1, 2  больш, чым летась.